ما حقيقة زواج شيرين عبد الوهاب من طليق أنغام ؟
انتشرت خلال الساعات الماضية أخبار عن زواج الفنانة شيرين عبد الوهاب من طليق الفنانة أنغام، الموزع الموسيقي أحمد إبراهيم ، وذلك بعد إعلانها خطبتها الفترة الماضية،
صورة نشرتها الفنانة شيرين عبد الوهاب على صفحتها الانستغرام -تصوير: بدون كرديت
وعدم الكشف عن هوية خطيبها.
وفي رده الأول على تلك الأنباء أكد أحمد إبراهيم في تصريحات إعلامية، أن كل ما يتردد حول هذا الأمر عارٍ تماما من الصحة، مؤكدا على قوة علاقة الصداقة بينه والفنانة شيرين عبد الوهاب، موضحًا: مش عارف الحقيقة مين طلع الكلام ده، أنا بقول لشيرين كل سنة وأنتي طيبة، عشان مشوفتهاش من سنة تقريبًا، وهي صديقة وأخت غالية".
وأضاف: "المفروض الكلام ده يتقال في شهر أبريل عشان تبقى كذبة أبريل، أنا زيي زي الناس فوجئت بالكلام ده، ومعرفش ليه بعد 22 سنة من صداقتي بشيرين الكلام ده اتقال دلوقتي، ولما شوفته فضلت أضحك عليه".
كما تحدث الموزع الموسيقي المصري عن الهضبة عمرو دياب، مشيرًا إلى أنه يحضر لعدة أغنيات معه بجانب ألبوم جديد.
وقال إبراهيم: "عندنا شغل نازل قريب، وشغالين على أكتر من أغنية إلى جانب ألبوم، ولسة منزلين أغنية من كام يوم وهو منزل أغنية بعدها وببارك له على حفلة بيروت الأسطورية".
وأكد أنه يستفيد من خبرات الهضبة حتى الآن، وينبهر بمساعدته للجميع والتي لا يعرف عنها البعض شيئًا قائلًا: "عمرو دياب بالنسبة للوطن العربي رصيد كبير من الحب والنجاح ومشوار أربعين سنة، وإحنا كلنا فرحانين به، وأنا بشكل خاص بأمانة كراجل مصري فرحان أن الراجل ده بيشتغل في بيتي وبيمثل فننا، وفيه ناس كتير بتقول لي أنت بتعتز بشغلك معاه، لكن لأ أنا بعتز بحاجة أكبر، ورغم 22 سنة شغل والخبرات دي كلها بقعد جنبه لحد اللحظة دي بجد بحس إني لسه ببدأ".
وأضاف أحمد إبراهيم: "عمرو دياب عنده خبرات مش طبيعية وحب ومساعدة للناس كلها الناس متعرفش عنها حاجة، وعمرو دياب بيعمل حاجات كتير بره الشغل محدش يعرفها، وشخصية أجمل من كده وجدع جدًا مع الناس كلها وطول الوقت دعم لما يلاقي حاجة كويسة وعاوز الناس تشتغل وتنتج ومش بيركز غير في شغله، ونفسي الناس تركز في شغلها زي عمرو دياب.
صورة نشرتها الفنانة شيرين عبد الوهاب على صفحتها الانستغرام -تصوير: بدون كرديت
من هنا وهناك
-
دينا فؤاد تتحدث عن أصعب المواقف في حياتها
-
نيللي كريم تتحدث عن مواصفات زوجها المستقبلي وتكشف مفاجأة
-
الفنانة سلمى أبو ضيف تكشف أسراراً عن زواجها
-
دنيا بطمة تبدأ بخسارة وزنها وتظهر بشكل مختلف
-
شيرين تحتفل بنجاح ألبومها الأخير مع صناعه
-
دينا الشربيني وأمينة خليل ترقصان معاً في أجواء شبابية
-
جوري بكر تكشف تطورات خلافاتها مع والد ابنها
-
نيرمين الفقي تكشف سبب عدم زواجها
-
بسمة بوسيل بصورة وتصريح مفاجئ: وأخيراً انتهيت
-
هكذا بدت ملك زاهر في أول ظهور لها بعد أزمتها الصحية
إعلانات
إعلانات
أرسل خبرا