إيمان العاصي تثير الجدل بتصريحاتها عن الزواج والأسرة
خلال لقائها في برنامج "أسرار النجوم" مع إنجي علي عبر إذاعة "نجوم FM"، تحدثت الفنانة إيمان العاصي عن بعض القوانين التي تتمنى أن يتم تعديلها أو حتى استحداثها إذا لم تكن موجودة.
صورة نشرتها الفنانة ايمان العاصي على صفحتها الانستغرام - تصوير:@antikkahossam
وقالت إيمان: "قانون نفسي يتحط ويكون إجباري يبقى في دكتور نفسي يقعد مع المقبلين على الزواج، الجواز مسئولية رهيبة، ولازم يبقى في قانون مش أي حد من حقه إنه هيخلف، مينفعش إن يبقى أنا مش معايا قوت يومي وأروح أخلف، لازم يتعاقب دا عدل ورحمة، مينفعش أجيب مخلوق في الدنيا وأنا مش قادرة أأكله وأوديه مدرسة وألبسه عشان أحس بالأمومة دي أنانية رهيبة".
وأكملت: "في قانون نفسي يتغير قانون تعنيف الأسرة، ربنا إدانا الأطفال هما مش أملاك دي أمانة في وقت من الأوقات بنسلمهم للحياة بعد ما نكبرهم ونربيهم ونعلمهم دا دورنا، لكن الأهالي اللي بتعذب عيالها، عذاب مينفعش يتحكي، اللي يفكر إنه يؤذي مخلوق معندوش قدرة يدافع عن نفسه وأي راجل بيضرب مراته نفسي يكون القانون يبقى عادل وقاسي جدا عشان محدش يفكر إنه ممكن يتحكم في حياة إنسان أو يعذبه".
وتابعت: "القانون اللي نفسه أشيله هيكون ليه علاقة بقانون الأسرة لأنه فيه ثغرات كتير، مثلا أم تخطف عيالها من أبوهم، أو أب يخطف العيال وميخليش الأم تشوفهم، القانون لو روحت تقدمي بلاغ هيتقال مفيش أب بيخطف عياله، طبيعي لكن لكل قاعدة شواذ، في الحالة دي لما النيابة تتحرى هتعرف إن الأم أو الأب مش عارفين يوصلوا لأولادهم، نفسي يتحط قانون للأهالي اللي بيحرموا الأولاد من حياة طبيعية" .
صورة نشرتها الفنانة ايمان العاصي على صفحتها الانستغرام - تصوير:@antikkahossam
من هنا وهناك
-
تنمّر وانتهاك خصوصية: نجمات يعانين من ‘السوشيال ميديا‘
-
شيرين رضا تكشف سبب عشقها لأدوار الشر
-
هالة صدقي بمنشور مثير عن نكران الأصل
-
صبا مبارك تضع صناّع ‘وتر حساس‘ في ورطة
-
أنباء عن ارتباط أحمد مالك وهدى المفتي وتراجع مي كساب عن تهنئتهما
-
ما هي حقيقة شطب هند صبري من نقابة المهن التمثيلية في مصر؟
-
ما هي حقيقة زواج الفنانة منة شلبي ؟
-
هنادي مهنا وتارا عماد تخوضان تجربة البطولة المطلقة للمرة الأولى
-
درة تنتظر عودة المخرج لاستئناف تصوير أحدث أعمالها
-
آيتن عامر تنفي زواجها من منتج شهير
إعلانات
إعلانات
أرسل خبرا