أسماء طنوس - صورة شخصية

قيمتك دونا صْغيرِه --- بِتحِسّ دايماً بالإحبـاط

__________________________

لَوْ ما كان عندك ثِقَه --- في نفسَك أوْ في غيــرَك

وقلبك ما فِيّو الشَّفقَه --- على قلبـك وضــمـيـرَك

بكــراهيِّـه ولا رِقَّـه --- والحِــقِــد دوم أسيــرَك

حابـس حـالك بشَقـَّه --- مـالَك نِفِـس عَالحــيـاة

___________________________

ضميرك تَعَّب ِالرّوح ---مش عارف تِلقى حالك

وين ما بتيجي أوبِتروح ---نَقصَك مِتَْعِب أحوالَك

عِندَك سِـر وما بِتـبوح --- مخَبِّـيهِ جُـوّا خَيـالَك

خَلِّ قلبَك دوم مفـتوح --- الثِّقَه عربونِ النَّشـاط