ملك أحمد زاهر تكشف تفاصيل مرضها الأخير
كشفت الفنانة الشابة ملك أحمد زاهر، أخيراً، عن تفاصيل مرضها الذي حار الأطباء طوال الفترة الماضية في تشخيصه.
ملك أحمد زاهر تردّ على انتقادات مسلسل "سيد الناس"
وكتبت ملك على خاصية القصص المصورة الملحقة على حسابها الخاص بـ"إنستغرام" منشوراً كشفت من خلاله تفاصيل المرض ووجهت في رسالة شكر لجمهورها ومحبيها الذين قلقوا عليها خلال الفترة الأخيرة.
وكتبت ملك قائلة: "أنا واللِه ما كنت متوقعة كل اللي حاصل ده أنا لما حبيت أشارك حالتي الصحية، كنت مخضوضة جدًا على نفسي وفكرة إن لا أنا ولا الدكاترة حتى عارفين عندي إيه، كانت رعباني، وكنت محتاجة بس أوصلكم إن حياتي فيها الحلو وفيها الوحش، وقلت في الستوري إن الموضوع مش الغرض منه القلق، وإني مش عايزة حد يقلق عليا أنا كويسة، وكده كده أحسن من غيري".
تابعت: "عندي يقين في ربنا لإنه هيقومني بالسلامة، وإن شاء الله تبقى حاجة بسيطة بس من خضتي كتبت مع أن ديه مش طبيعتي إني أشارك الحاجات السلبية عمومًا أنا بس مش عارفة أقول إيه ولا إيه من قلبي بشكر كل حد سأل عليا ودعالي واللهِ كله كان بيوصلني، وأنا آسفة لو مردتش على حد وبشكر كل زمايلي وأساتذتي اللي كانوا بيسألوا عليا كل يوم ومسابونيش لحظة وكل صحابي وعيلتي اللي كانوا جمبي.
وأردفت ملك زاهر حديثها: "أنا الحمد لله بقيت أحسن من الأول وبطلت أروح المستشفى الحمد لله بحمد ربنا إنها جت على قد كده حتى لو الأيام اللي فاتت كانت صعبة واللي عندي ده حاجة مخيفة شوية، وخضتنا بس برضو أنا كويسة والحمد لله إنها جت على قد كده أكيد ربنا حماني من حاجة أكبر، وأهم حاجة إن عرف السبب بَطل العجب، والحمد لله إننا عرفنا، هي حساسية شديدة في الدم الموضوع critical".
واختتمت ملك زاهر حديثها: "بس أنا مطمنة أنا بخف وبتحسن كل يوم الحمد لله والشكر الله ومافيش حاجة خطيرة بإذن الله وأنا آسفة لو كنت قلقتكم بس ده مكانش الغرض أبدًا والله، شكرًا من كل قلبي على الحب ده أنا عرفت غلاوتي عندكم وعند كل اللي حواليا بشكركم من قلبي".
صور نشرتها الفنانة على صفحتها الانستغرام -بدون كريدت
صور نشرتها الفنانة على صفحتها الانستغرام -بدون كريدت
من هنا وهناك
-
أسماء جلال تثير الجدل بعد اعتذارها عن عدم العمل مع ويجز
-
هيفاء وهبي في القاهرة لتصوير فيلمها الجديد
-
جويل مردينيان تُثير الجدل بتصريحاتها عن زوجها وإنجاب الأطفال
-
تامر حسني يوضح حالة نجله الصحية وسبب دخوله المستشفى
-
أسرار مظلمة تطارد هند صبري في مسلسلها الجديد ‘عسل أحمر‘
-
ابن فاليري أبو شقرا كبر ويلفت الأنظار بوسامته
-
بشرى تعلن انفصالها عن خالد حميدة بعد عام من الزواج
-
إيناس عز الدين تكشف أثر الحسد في غيابها عن التمثيل
-
مفاجأة خاصة من سيرين عبد النور لإبنتها في يوم ميلادها
-
عاصي الحلاني يعلّق للمرة الأولى على طلاق ابنته
إعلانات
إعلانات
أرسل خبرا